Dei aller fleste i Sogn og Fjordane har nok både høyrt om og besøkt minst ei dagsturhytte. Dette er blitt ein stor suksess, som har sitt opphav her i fylket. Holvik Glas kom inn i prosjektet då det starta opp i andre fylker. I Rogland er det bygt opp 28 hytter, og vi har levert alt av vindu, dører og glassrekkverk (til hems), til alle desse – i tillegg til 31 hytter i Hordaland og 1 i Sunnfjord.

Det vil seie totalt 60 dagsturhytter på Vestlandet.

Lågterskel turglede
Målet med hyttene er å stimulere til turglede og fysisk aktivitet i trygge rammer. At hyttene er tilgjengelige 15–90 minutt frå løypestart, gjer terskelen låg for å komme dit. Hyttene er gratis å bruke og står opne heile året. Dei skal forlatast i same stand som då du kom, og som namnet tilseier er dei beregna for dagsturer – og ikkje overnatting. Dei er enkelt innreia med benkar,  hems, peis og bibliotek.

I eitt med naturen
Alle hyttene er like, men plasseringa kan vere veldig forskjellig. Kommunane bestemmer sjølve om dei vil ha dei til fjells, ved sjøen eller i skogen. Uansett så glir dei godt inn inn i naturen, og set eit svært lite fotavtrykk.

Frå Stad og Førde
Ytterkledningen er brent malmfuru, som er svært motstandsdyktig og treng lite vedlikehald. Vi i Holvik Glas leverer aluminiumskledde vindu, dører og rekkverk til Stad Kystbygg, som bygger hyttene i fire modular. Desse blir så frakta på plass med helikopter og bygd saman på staden. Her blir dei montert på ei ramme av limtre festa i fjell.

Det heile starta i 2016 her i Førde, og no er det tilsaman 54 hytter i Vestland og 28  i Rogaland. Dei siste har fått ein del oppgraderingar, basert på erfaringane og endringar som er gjort i Sogn og Fjordane og etterkvart Vestland.